کیچ: چہ پاکستانی لشکر ءِ چیریں آزار جاھاں زور بیگواھیں اسرار ء اتااللہ آجو بیتگ۔
بنشون ءِ رد ءَ اسرار اتا اللہ تمپ کونشکلات ءِ جاہ منند اِنت کہ پاکستانی لشکر ءَ 12 مارچ 2023 ءَ چہ گس ءَآوار جتگ ءُ بیگواہ کرتگ اَت۔ اسرار ءِ زوریں بیگواھی ءِ بگیری ءَ آئی کھول ءَتربت ءُ اسلام آباد ءَ زھرشانیاں بھر زرتگءُ پہ آئی آجوئی ءَ توار چست کرتگ اَت۔
اسرار ءِ زوریں بیگواھی ءَ دو سال نزیک اِنت کہ مرچی چہ تمپ ءَ آجو بیتگ ءُ وتی گس ءَ سر اِنت۔
