شال: بیگواھیں بلوچانی توار ( وی بی ایم پی ) ماں رسانکدر ءَ وتی شنگ کرتگیں درشان ءَ گوشتگ کہ امام جان ءُ گازی ھان ءِ کھول شال پریس کلب ءِ دیم ءَ برجاھیں وی بی ایم پی ءِ گدان ءَ ماما کدیر ءِ کِر ءَ آتکگ ءُ آیانی زوریں بیگواھی ءِ کیس گل ءِ کِر ءَ یاداشت کرتگ اَنت۔
کھول ءَ گوشتگ کہ امام جان ء سوالی جھمنند ھوشاپ بی ایم سی نادراھجاہ ءَ نرسنگ میل سروگانے۔ آ 3 جنوری ءَ ایسا نگری دگ شال ءُ گازی ھان ءِ کھول ءِ گوشگ اِنت کہ گازی ھان ء پیز مھمد 4 اگست 2016 ءَ سیاہ گزی آواران ءَ پاکستانی لشکر ءَ درکانودی آوار جنگ ءَ پد بیگواہ کرتگ۔
آئی گوشگ اِنت کہ ماما کدیر امام جان ءُ گازی ھان ءِ کھول دلجمی داتگ اَنت اے دوئیں بیگواھیں مردمانی کیساں پہ زور بیگواھیں مردماں جوڑ بوتگیں کیمشن ءُ سرکار ءَ دیگ ءِ ھواری ءَ پہ آیانی آجوئی ءَ ھمک جاہ ءَ توار چست کنت۔
ماما کدیر گوں سرکار ءَ لوٹ کرتگ کہ امام جان ءُ گازی ھان ءِ سر ءَ چونیں بھتام ھست گڑا آمیدگس ءَ پیش کنگ بہ بنت، بے میار اَنت گڑا زوت یل کنگ بہ بنت ءُ آیانی کھول چہ رنجاں آجو بہ بنت۔
