بلوچ لبریشن آرمی (بی ایل اے) ءِ جارکش جیئند ءَ ماں رسانکدر ءَ وتی شنگ کرتگیں درشانے ءَ دو جتائیں اُرشانی زمہ واری من اِتگ ءُ گوشتگ کہ بی ایل اے ءِ سرمچاراں ڈاڈر ءُ تُربَت ءَ دو جتائیں کاروائیاں پاکستانی لشکر ءِ یک بنجلے دستیگ کرتگ ءُ پاکستانی لشکر ءِ چریکے کُشتگ۔
آئی گوشتگ کہ بی ایل اے ءِ سرمچاراں گوستگیں روچ ءَ کچی ءِ ھند ڈاڈر ءِ سبری ءَ لیویز بنجل دستیگ کرتگ۔ سرمچاراں بنجل ءَ ساڑی ایں سَے لیویز کارمند دزگیر کرتگ ءُ آیانی سلاہ ءُ آدگہ سامان پج گپتگ اَنت۔لیویز کارمند بلوچ بوتگ اَنت کہ سرمچاراں آیاں کڈن کرتگ ءُ یل داتگ اَنت۔
جارکش ءَ گوشتگ یک دگہ کاروائی یے ءَ بلوچ لبریشن آرمی ءِ سرمچاراں 19 جنوری ءِ روبرکتءَ تربت ءِ ھند آپسر ءَ تیرگواری کرتگ ءُ مھمد آرپ ء مھمد امر جاہ منند پَنجگُور کشتگ۔
آئی گوشتگ کہ مھمد آرپ پاکستانی لشکر ءُ ایم آئی ءِ چیردستی ءَ کار ءَ بوتگ۔آئی 2020 ءَ بلوچ راجی زرمبشت ءِ دو ھمدرد امیر بکش ءُ امر جان جاہ منند گچک شھید کنائینتگ اَنت۔ 15 اگست 2020 ءَ گچک ءِ لشکر کشی ءَ ھوار بوتگ۔ ھمے وھد ءَ سرڈگار ءِ پھریزگ ءَ بی ایل اے ءِ دو سرمچار آسپ پنام پدا ءُ گلاب پنام وھید شھید بوتگ۔
