بلوچ آجوئی لشکر ( بی ایل اے ) ءِ جارکش جیھند ءَ ماں رسانکدر ءَ وتی شنگ کرتگیں درشانے ءَ گوشتگ کہ بی ایل اے ءِ سرمچاراں زی کیچ ءِ ھند دشت ءَ زورگریں پاکستانی لشکر ءِ کاروان ءَ ھواریں گاڑی یے گوں چیر کرتگیں شورھاں نشانگ کرتگ سے دُژمنیں کارمند مرتگ۔
آئی ءَ گوشتگ کہ سرمچاراں دشت ھوچات ءَ دُژمنیں لشکر ءِ کاروان ھما وھد ءَ نشانگ کرتگ آ لشکرکشی ءَ پد واتری بنجل ءَ روگ ءَ بوتگ۔ تراک ءِ زد ءَ آتکگیں گاڑی ءَ سواریں سے کارمند جاھی مرتگ ءُ کم چہ کم سے ٹپی بوتگ ءُ گاڑی تباہ بوتگ۔
بی ایل اے ءِ جارکش جیھند ءَ اُرش ءِ زمہ واری منّ اتگ ءُ گوشتگ کہ ھمے کول ءَ کن ایں داں دُژمنیں لشکر ءِ سرجم ءَ در آھگ ءَ مئے اُرش برجاہ بنت۔
