ھب چوکی: بلوچ یکجھتی کمیٹی ءِ نیمگ ءَ 25 جنوری ءَ دالبندین ءَ بلوچ چکچینی ءِ بگیری ءَ راجی مچی ءِ درگت ءَ روانکے کشگ بیتگ۔ روانک ءَ بی وائی سی ءِ سروک، زور بیگواھیں مردمانی کھول ءُ آدگہ سیاسی ءُ چاگردی کارکنان بازیں کچے ءَ بھر زرتگ۔
زھرشانی ءِ میان ءَ ریاست ءِنیمگ ءَ دیم داتگیں کارمند کہ اھوالکاری کنگ ءَ بیتگ آئی ءَ وتاس ءُ تیر ھم گوں بیتگ چہ زھرشانی جاہ ءَ دزگیر کنگ بیتگ۔
چہ زھرشانی جاہ ءَ بی وائی سی ءِ سروک سمی دین، سیما بلوچ ءُ ماہ زیب بلوچ ءَ تران کرتگ ءُ گوشتگ کہ ما ریاست ءَ کڈن کن ایں کہ وتی اے وڑیں شیتانیں کارپداں یل بہ کنت۔
آیاں گوشتگ کہ ھما مردماں وت ءَ پہ لھتیں زر ءَ بھا کرتگ مرچی ھمے وڑیں چاگردی ناشرکاریاں شریدار اَنت۔
آیاں گوشتگ کہ پہ راجی مچی ءِ بابتءَ بلوچستان ءِ جتا جتائیں جاھاں سرپدی دیوان برجاہ اَنت۔ ھمے درچ ءَ 18 جنوری 2025 ءَ کراچی میران ناکہ ءَ یک روانکے کشگ بوگ ءَ اِنت بیا اِت بھر بزور ات۔
