بلوچ لبریشن آرمی (بی ایل اے) ءِ جارکش جیھند بلوچ ءَ ماں رسانکدر ءَ وتی شنگ کرتگیں درشانے ءَ کلات اُرش ءِ زمہ واری من اِتگ ءُ گوشتگ کہ بی ایل اے ءِ سرمچاراں مرچی نیمروچ ءَ کلات شھر ءِ نزیک ءَ زورگریں پاکستانی لشکر گوں چیر کرتگیں شورھاں نشانگ کرتگ۔
آئی گوشتگ کہ سرمچاراں دژمنیں لشکر ھما وھد ءَ نشانگ کرتگ کہ آ چہ شال ءَ ریڈار ءَ سامان برگ ءَ بوتگ۔ تراک ءِ آسر ءَ لشکر ءِ یک کارمندے مرتگ ءُ سَے کارمند نائک نبیل، نائک تنزیم ءُ لانس نائک وکیل ٹپی بوتگ۔ گاڑی ءَ باز تاوان بوتگ۔
