بلوچ راجی راھشون ءُ بلوچستان لبریشن پرنٹ ءِ سرکماش ڈاکٹر اللہ نزر ءَ وتی یک درشانے ءَ گْوشتگ کہ سندی راجدوستیں سروک سائیں جی ایم سید ءَ آئی ءِ سد ءُ بیست ءُ یکمی سالروچ ءَ من آئی ءَ ستاشانی ندر کناں۔ جی ایم سید ءِ یکشلیں جُھد ءُ مھکمی پہ ایردستیں راجاں مادنیں کشکے۔
آئی ءَ گْوشتگ کہ سائیں جی ایم سید ءَ مدام ایردستیں راجانی جُھد ءِ واھگدار بیتگ۔سندی راجے یک ٹوھیں زانشتی ھزانگے ءَ پجاروک کُرتگ کہ پہ آدگہ راجاں ھم مادنیں کشکے۔
بلوچ راھشون ءَ گْوشتگ کہ من پُراُمیتاں کہ سائیں جی ایم سید ءِ رندگیر ھمائی ءِ پگر ءُ لیکہ زور اَنت ءُ وتی آجوئی ءِ گرگ ءَ سوبین بنت۔
