بلوچ لبریشن آرمی ءِ جارکش جیئند بلوچ ءَ ماں رسانکدر ءَ وتی شنگ کرتگیں درشانے ءَ کلات ، زھری ، دکی ءُ زامران ءَ جتائیں اُرشانی زمه واری من اِتگ ءُ گوشتگ که اِے اُرشاں پاکستانی لشکر ، چریک ءُ راشن بروکیں گاڑی نشانگ کرتگ اَنت ءُ زورگر ءَ سکا تاوان داتگ۔
جارکش ءَ گوشتگ بی ایل اے ءِ سرمچاراں مرچی کلات ءَ سرکین ءُ نیچاره ءِ میانجی ءَ زورگریں پاکستانی لشکر ءِ پیادگیں کارمند ھما وھد ءَ گوں چیرکرتگیں شورھاں نشانگ کرتگ اَنت که آ ھمے ھند ءَ لشکرکشی ءَ روگ ءَ بیتگ اَنت، تراک ءِ آسر ءَ سے کارمند جاھی مرتگ.
آئی ءَ گوشتگ سرمچارانی دومی ٹولی ءَ سنگر گپتگ ءُ گوں وتکاریں سلاھاں پاکستانی لشکر ءِ آ دگه پیادگیں کارمندانی سر ءَ اُرش کرتگ ءُ دگه چار کارمند کشتگ.
جارکش ءَ گوشتگ که بی ایل اے ءِ سرمچاراں سے شمبے ءَ زھری ءَ تیرگواری کرتگ ءُ پاکستانی لشکر ءُ چیریں ادراھانی چاریگ شاھزیب ء مھمد جھمنند لاھور کشتگ. آ زھری ءُ کش ءُ کِراں گنوک ءِ دروشم ءَ چاریگی کنگ ءَ بیتگ.
آئی ءَ گوشتگ کہ بی ایل اے ءِ انٹیلی جنس ونگ زراب ءَ آئی ءِ سر ءَ وتی چم سک داتگ اَنت ءُ چہ ایشی ءَ زانگ بیتگ که آ پاکستانی لشکر ءِ کمکارے۔
جیئند ءَ گوشتگ که بی ایل اے ءِ سرمچاراں گوستگیں روچ ءَ زامران ءِ ھند نوانو ءَ پاکستانی لشکر ءِ راشن بروکیں گاڑی یے نشانگ کرتگ ءُ تاوان داتگ. گاڑی ءِ ڈرائیور کڈن کنگ ءَ پد یل کنگ بیتگ.
جارکش ءَ گوشتگ که دگہ یک کاروائی یے ءَ بی ایل اے ءِ سرمچاراں دوشی دکی ءِ ھند جالار ءَ زورگریں پاکستانی لشکر ءِ جوڑ کرتگیں کشنده ٹولی ءِ یک بنجلے ءِ سر ءَ گوں مزنیں سلاھاں اُرش کرتگ. نشانگ کنگ بیتگیں ٹولی اکبر ناسر ءِ سروکے ءَ کار ءَ بیتگ ءُ اِے بنجل ھمے ھنداں په ناشرکاری ءَ برجاه بیتگ. آئی ءَ گوشتگ که اِے سلاھبندیں ٹولی پاکستانی لشکر ءِ چیردستی ءَ دکی ءِ مردمانی ڈگارانی دستیگ کنگ، کش ءُ کراں دُزی ءُ لٹ ءُ پل کنگ ءَ اَنت. بی ایل اے تچکی ءَ گوش ایت کہ زورگریں پاکستانی لشکر ءِ کارمند تچک ءَ مئے نشانگ ءَ اَنت ءُ مئے اُرش گوں ترندی ءَ برجاه بنت
