ھزدار: دوشمبے ءِ روچ ءَ وڈ ءِ کراڑو ءَ مساپر بسے ءِ چپی بوگ ءَ دو مردم بیران ءُ دہ مردم ٹپی بوتگ۔ بیران بوتگیں مردمانی نام گنج بکش ء شیر مھمد ءُ گل شیر ء مھمد ھسن اِنت کہ مشکے ءِ جھمنند اَنت۔ سپر بلوچ مساپر بس چہ مشکے […]
مردمی ھکانی ادارہ ایمنسٹی انٹرنیشنل زِرباری ایشیا ءَ ماں رسانکدر ءَ وتی شنگ کرتگیں درشانے ءَ گوشتگ کہ پاکستان ءَ بالاچ مولابکش ءِ درکانودی کوش ءِ پژدر ءَ 6 دسمبر 2023 ءَ چہ بلوچستان ءِ شھر تربت ءَ داں اسلام آباد ءَ آتکگیں روانک ءِ سروکی ءَ جنین ءُ زور […]
بلوچ آجوئی لشکر ( بی ایل اے ) ءِ جارکش جیھند ءَ ماں رسانکدر ءَ وتی شنگ کرتگیں درشانے ءَ گوشتگ کہ بی ایل اے ءِ سرمچاراں زی کیچ ءِ ھند گیشکور ءَ زورگریں پاکستانی لشکر ءِ یک شوربندی یے ءَ اُرش کرتگ ءُ مشیناں ھوار سرویلنس کیمرہ تباہ کرتگ۔ […]
کیچ: تمپ ءَ پاکستانی لشکر ءُ چیریں ادارھانی دست ءَ زور بیگواہ کنگ بوتگیں دگہ ورنایے پجارگ بوتگ۔ اھوالکار ءِ رد ءَ زور بیگواہ کنگ بوتگیں ورنا ءِ نام جاسم ء مھمد بکش اِنت کہ دازن ءِ جھمنند اِنت۔ زورگریں پاکستانی لشکر ءَ دوشمبے ءِ بیگاہ ءَ چہ دازن ءِ […]
تربت: گوادر ءَ پاکستانی لشکر ءِ دست ءَ زور بیگواہ کنگ بوتگیں کمالان دشتی ء گل مھمد ءِ کھول ءَ گوں مردمی ھکانی ادارھاں توار چست کنگ ءِ لوٹ کرتگ۔ کھول ءِ گوشگ اِنت کہ کمالان دشتی ء گل مھمد کیچ ءِ ھند دشت کنچتی ءِ جھمنند اِنت آ روزنامہ […]
کیچ: تمپ ءَ زورگریں پاکستانی لشکر ءُ چیریں ادارھانی کارمنداں ورنایے آوار جتگ ءُ بیگواہ کرتگ۔ اھوالکار ءِ رد ءَ زور بیگواہ کنگ بوتگیں ورنا ءِ نام ھسن ء آسپ اِنت کہ دازن ءِ جھمنند اِنت۔ مرچی بیگاہ ءَ زورگریں پاکستانی لشکر ءُ چیریں ادارھانی کارمند ھشت گاڑیانی سر ءَ […]
اسلام آباد ءَ بلوچ یکجھتی کمیٹی ءِ زھرشانی نندانک ءِ سروک ڈاکٹر ماہ رنگ ءَ ماں چاگردی رسانکدر ایکس ءَ کراچی ءَ زھرشانی کنوکانی ایپ آئی آر ءِ پژدر ءَ نبشتگ کہ مئے زرمبشت ءِ پرایمنیں زھرشانی کنوکانی بگیری ءَ دروگیں ایپ آئی آر ءِ درچ برجاہ اِنت۔ اے رندی […]
بلوچ راجدوستیں سروک رھیم ایڈوکیٹ ءَ ماں چاگردی رسانکدر ایکس ءَ نبشتگ کہ پاکستان ءِ سرکار ءُ لشکر ترس آماچ اَنت۔ اسلام آباد ءَ بلوچستان ءِ دو زھرشانی نندانک اَنت، اولی نندانک ریاست ءِ دست ءَ زور بیگواہ ءُ درکانودی کشگ بوتگیں بلوچانی کھول اَنت ءُ بی وائی سی اِنت، […]
کراچی: ملیر ءَ گوستگیں روچ ءَ بلوچ یکجھتی کمیٹی ءِ جار ءِ پد ءَ زھرشانی روانک ءَ ھواریں مردمانی بگیری ءَ ایپ آئی آر نبیسگ بوتگ۔ ملیر شراپی گوٹ پولیس بنجل ءِ ایس ایچ او مھبوب الاھی ءِ نیمگ ءَ ایپ آئی آر نبیسگ بوتگ کہ یک شمبے ءِ روچ […]
بلوچستان آجوئی سنگر ( بی ایل ایپ) ءِ جارکش میجر گھرام ءَ ماں رسانکدر ءَ وتی شنگ کرتگیں درشانے ءَ گوشتگ کہ سرمچاراں زی بیگاہ ءِ چار ءَ کیچ ءِ ھند مند ،چُکاپ ءَ لشکر ءِ بنجاھی بنجل ءِ پھازداری پانگس ءِ سر ءَ اُرش کُرتگ ءُ یک کارمندے کُشتگ […]
