ھزدار: زھری ءِ جتائیں ھنداں دوشی پاکستانی لشکر ءَ بیڑ برتگ ءُ باز مردم آوار جنگ ءَ پد بیگواہ کرتگ۔ زور بیگواھیں مردمانی کھولانی نیمگ ءَزھری بازار ءَ تھتگ بند ھرتال برجاہ اِنت ءُ تانہ ءِ دیم ءَ ھم زھرشانی ءَ نشتگ اَنت۔
زوریں بیگواھیا نی بگیری ءَ انجیرہ دو راھی ءُ سوراب دوراھی ءَ شھدگ بند کنگ بیتگ اَِنت۔زھرشانی ءَ جنین ءُ زھگاں بازیں کچے ءَ بھر زرتگ۔
زھرشانی کنوکیں مردمانی گوشگ اِنت کہ پاکستانی لشکر ءَ ھالد ء ابدُلسمد، شبیر ء الی اکبر، زبیر ء مھمد اسھاک، پیز ء الی اکبر، امران ء اکبر، بلال ء الی، اکبر نادر ء سرور، جھانزیب ء ابدُلھاک لوٹانی، پردین ء کریم، پھد الی اکبر آوار جتگ ءُ بیگواہ کرتگ اَنت۔
آیانی گوشگ اِنت دانکہ مئے درسیں بیگواھیں مردم یل کنگ نہ بیتگ اَنت ما وتی زھرشانی ءَ برجاہ دار ایں۔
