کیچ: سی پیک دگ ءَ ھوشاپ زیروپوائنٹ ءَ زمان جان ءُ ابولھسن ءِ کھول ءِ نیمگ ءَ برجاھیں زھرشانی نندانک ءَنشتگیں مردم گاڑی ءِ سر ءَ لگت دیگ بیتگ اَنت، ورنایے ٹپی بیتگ۔
بنشون ءِ رد ءَ ٹپی بیتگیں ورناءِ نام جھانزیب اِنت کہ بالگتر ءِ جاہ منند اِنت، آئی دوئیں پاد سکا ٹپی اَنت پہ درمان کنگ ءَنادراھجاہ ءَبرگ بیتگ۔
بلوچ یکجھتی کمیٹی کیچ ءَ جھانزیب ءِ ٹپی بوگ ءِ گپ راست کرتگ ءُ گوشتگ کہ آ سکا ٹپی بیتگ ءُ یک پادے ھم پرشتگ۔آئی ءِ جاور ناگیگ بیتگ اَنت ھمے سوب ءَ پہ گیشیں الاج ءَ کراچی ءَ دیم دیگ بیتگ۔
اے بابتءَ زمان جان ءُ ابولھسن ءِ کھول ءِ گوشگ اِنت کہ ریاست پہ مئے زھرشانی نندانک ءِ ھلاس کنگ ءَ پندل سازگ ءَ اِنت دانکہ مئے زھگ یل کنگ نہ بیتگ اَنت ما وتی زھرشانی نندانک ءَ برجاہ دار ایں۔
