کیچ: زوربیگواھیں بلوچ رھشون استاد واھد کمبر ءِ جنک مھلب کمبر ءَ وتی شنگ کرتگیں تامربندے ءَ گوشتگ کہ وھدے 2007 ءَ منی کماش واھد کمبر چست کنگ بوتگ اَت گڑا ریاستی ادارھاں داں نوہ ماہءَ بیگواہ کرتگ اَت، ھمے درگت ءَ ما ھرپیمیں زھرشانی کرتگ اَت گڑا بلوچ راج ءَ مزنیں کچ ئِے ءَ کمک کرتگ اَت۔ مرچی پد ءَ ریاستی ادارھاں منی پت واھد کمبر چست کرتگ اے نوزدہ دسمبر ءَ آئی زوریں بیگواھی ءَ پنچ ماہ سرجم بوگ ءَ اِنت۔
آئی ءَ گوشتگ کہ ما ھمے درگت ءَ زھرشانی کنگ ءَ ایں ءُ چہ بلوچ راج ءَ دزبندی کن ایں کہ آ گیشان چہ گیش بھر بزور ایت ۔ اے زھرشانی روانک کیچ ءَ بوگ ءَ اِنت ما ھمے اوست ءَ دار ایں کہ کیچ ءِ مردم شریں وڑے ءَ مئے ھمراھداری ءَ کن اَنت ءُ ھمے لوٹ ءَ بہ کن اَنت کہ واھد کمبر آمیدگس ءَ پیش کنگ بہ بیت ۔
