شال: گیس ءِ بند بوگ ءِ سْوب ءَ مردماں زھرشانی ءَ اسپنی دگ بند کرتگ۔ زھرشانی کنوکیں مردماں انتزامیہ ءِ بگیری ءَ اوگام جتگ ءُ گیس ءِ پچ کنگ ءِ لوٹ کرتگ۔
زھرشانی کنوکانی گوشگ اِنت کہ زمستان ءِ سکیں سارتی ءَ گیس ءِ بند کنگ ءِ سْوب ءَ مردم جنجالانی دیمپان اَنت۔آدگہ چیزاں بِل مردم پہ ورگ ءِ اڈ کنگ ءَ ھم ھیران اَنت۔
آیانی گوشگ اِنت ھمک سال سارتی بندات بیت گڑا شال ءَ ھمے گیس ءِ بند کنگ بیت۔ اے بابت ءَ انتزامیہ ءَ مورے ھم گوش ءَ نہ وارت۔
چوش کہ مرچی چہ شال ءَ پیش مستونگ ءَ ھم گیس ءُ لین ءِ بند بوگ ءِ سْوب ءَ زھرشانی کنگ بوتگ۔
