ھزدار: زھری ءِ ھند گزان کوچو ءَ دو مردم ءِ لاش دزکپتگ۔
بنشون ءِ رد ءَ کشگ بوتگیں مردمانی تہ ءَ یکے ءِ نام آبد ھسین ء گلام ھسین امرانی ءُ مست ھان ء کھور ھان لوٹانی اِنت کہ آ نور گامہ ءِ جھمنند اَنت ءُ ھشت سال پیش پاکستانی لشکر ءَ آوار جنگ ءَ پد زوربیگواہ کرتگ اَنت۔لاشانی سر ءَ آیانی نام نبشتہ کنگ بوتگ اَنت۔ لاش پہ ھژدری چار ءُ ٹپاس کنگ ءَ نادراھجاہ ءَ برگ ءَ پد کھول ءِ دست ءَ دیگ بوتگ اَنت۔
یات بہ بہ اِت کہ آبد ھسین ءِ مات ءَ آئی بیگواھی کیس دو ھزار بیست ءُ یک ءَ وی بی ایم پی ءِ کر ءَ یاداشت کرتگ اَت ءُ گوشتگ اَت کہ آبد ھسین 28 اکتوبر 2017 ءَ چہ ھزدار ءِ انجیرہ دوراھی ءَ ملا مرید آوار جتگ ءُ ریاست ءِ چیریں ادارھانی دست ءَ داتگ۔
