گْوادر: شش ماہ پیش پاکستانی لشکر ءِ دست ءَ زور بیگواہ کنگ بوتگیں ورنایے سی ٹی ءَ دروگیں میڑ ءَ کشتگ۔
کشگ بوتگیں ورنا ءِ نام بشیر ء ابدالگنی اِنت کہ پاکستانی لشکر ءَ 30 مئی 2024 ءَ چہ گْوادر ءِ ھند سربندر ءَ آوار جنتگ ءُ بیگواہ کرتگ۔ شش ماہ ءِ زوریں بیگواھی ءَ پد 22 نومبر ءَ سی ٹی ڈی ءَ دروگیں میڑے ءَ کشتگ ءُ آئی ءِ بھتام جتگ کہ بشیر بی ایل اے ءِ کماندارے۔
بشیر اھمد ءِ باروا گوشگ بوگ ءَ اِنت کہ چہ زوریں بیگواھی ءَ پد آئی دزگیری ھم پدر کنگ بوتگ۔ گوستگیں روچ ءَ آئی کھول ءَ دلجمی دیگ بوتگ کہ بشیر زوت یل کنگ بیت، بلے زی سی ٹی ڈی ءَ کشتگ ءُ آئی لاش چگل داتگ۔
یات بہ بہ اِت کہ چہ ایشی پیش ھم سی ٹی ڈی ءَ باز براں زور بیگواھیں مردم دروگیں میڑاں کشتگ ءُ آیانی لاش چگل داتگ اَنت۔
