شال: بیگواھیں بلوچانی توار ( وی بی ایم پی ) ءِ سرکماش نسراللہ ءَ ماں رسانکدر ءَ وتی شنگ کرتگیں درشانے ءَ گوشتگ کہ زور بیگواھیں ابدالباسد ءِ کھول ءَ آئی کیس وی بی ایم پی ءِ کِر ءَ یاداشت کرتگ۔
گوس بکش ءَ گوشتگ کہ منی زھگ ابدالباسد شاھوانی پاکستانی لشکر بازیں کچے ءَ آتکگ ءُ ھمے سال ءِ 12 جولائی ءَ چہ گِس ءَ کلی مینگل آباد، جوان دوراھی منگچر ءَ درکانودی آوار جتگ ءُ بیگواہ کرتگ، زھگ ءِ باروا مارا ھچ وڑیں سرپدی دیگ ءَ نہ اَنت چہ ایشی مئے سرجمیں کھول رنجانی دیمپان اِنت۔
نسراللہ ءَ گوشتگ کہ گل ءَ گوس بکش دلجمی داتگ کہ تئی زھگ ءِ کیس ءَ سرکار ءُ پہ زور بیگواھیں مردماں جوڑ بوتگیں کمیشن ءُ اکوام متھدہ ءِ ورکنگ گروپ ( پہ زوریں بیگواھی ءَ جوڑ بوتگ) ءَ سر کن ایں ءُ پہ ابدالباسد ءِ آجوئی ءَ ھمک جاہ ءَ توار چست کن ایں۔
نسر اللہ ءَ گوشتگ کہ ابدالباسد ءِ بے راھبندیں دزگیری ءُ آئی کھول ءَ سرپدی نہ دیگ ڈیھ ءِ کانود ءِ داتگیں شھرمنندانی بنکی ھکانی ناھکیں بگیری اِنت ایشی گوں ترندیں دانکاں ایر جن ایں ءُ ھمے لوٹ ءَ کن ایں کہ ابدالباسد ءِ سر ءَ چونیں بھتامے ھست گڑا آمیدگس ءَ آرگ ءُ پیش کنگ بہ بیت اگاں بے میار اِنت گڑا زوت یل کنگ ءُ آئی کھول چہ اندوھاں رکینگ بہ بیت۔
