بلوچستان آجوئی سنگر ( بی ایل ایپ ) ءِ جارکش میجر گھرام ءَ ماں رسانکدر ءَ وتی شنگ کرتگیں درشانے ءَ گوشتگ کہ سرمچاراں پنچ نومبر سے شمبے ءِ شپ ءَ ھشت ءُ ھبدہ ءَ تربت سیٹلائٹ ٹاؤن ءَ کشندہ ٹولی ءِ سروک گپور تیرگواری کرتگ ءُ کشتگ۔ وھدے کہ اے اُرش ءَ سدیک ء رپیک جاہ منند ڈنک ءُ گپور ءِ زھگ ھسن گپور ٹپی بوتگ اَنت۔
آئی ءَ گوشتگ کہ سرمچاراں شوربندی ءِ پارست ءَ ودار کرتگ پمیشکا کہ ھمے جاہ ءَ زھگ لیب کنگ ءَ بوتگ اَنت، سی دمان ءِ ودار کنگ ءَ پد زھگ چہ آ جاہ ءَ شتگ اَنت گڑا اُرش کرتگ ایشی زد ءَ آھگ ءَ کشندہ ٹولی ءِ سروک گپور جاھی مرتگ ءُ آئی زھگ ھسن گپور ءُ سدیک ء رپیک ٹپی بوتگ اَنت۔
جارکش ءَ گوشتگ کہ راجی میاربار گپور نہ تیوک ءَ چاگردی سلکاریاں ھوار بوتگ بلکیں ریاست پاکستان ءِ جوڑ کرتگیں کشندہ ٹولی ءِ سروکے بوتگ ءُ بازیں مردمانی زوریں بیگواھی ءُ شھیدی ءَ ھوار بوتگ۔ وھدے کہ ھسن گپور پولیس نوکر ءُ کشندہ ٹولی ءِ سروکیں کارمندے۔ سدیک ء رپیک پی پی پی ءِ دمگی چئیرمین ءُ نشہ کاچاک ھوتمان ءِ نزیکیں کارمندے بوتگ۔
آئی ءَ گوشتگ کہ راجی میاربار گپور یک اگست 2016 ءَ سگک کولواہ ءَ لشکرکشی ءُ بی ایل ایپ ءِ کماندار شاھد ندیم ء ھاجی لال بکش ءِ ھال لشکر ءَ داتگ۔ ھمے لشکرکشی ءَ کماندار شاھد ندیم شھید بوتگ۔ آ وھد ءَ بلوچستان ءِ وتگڑیں مزن وزیر سنا اللہ زھری ءَ گوشتگ کہ شاھد ندیم ءَ ما شھید کناھینتگ۔ ھمے لشکرکشی ءِ میان ءَ زورگریں پاکستانی لشکر ءَ باز مردم زور بیگواہ کرتگ اَنت۔
جارکش ءَ گوشتگ کہ اے میاربار ءَ باز ورنا زور بیگواہ کرتگ ءُ کھول بلیک میل کرتگ اَنت کہ آ پہ لشکر ءَ چاریگی بہ کن اَنت۔ زور بیگواھیں زھگانی پت لاچار کرتگ اَنت کہ آ سرمچارانی ھال ءَ لشکر ءَ بدے اَنت۔
آئی ءَ گوشتگ کہ راجی میاربار بازیں مردم سلام کناھینتگ ءُ پہ لشکر ءَ کار گپتگ۔ گل ءَ راجی میاربار 2014 ءَ دزگیر کرتگ ءُ کڈن کرتگ ءُ یل داتگ بلے آئی وتی کارپد یل نہ داتگ اَنت۔
جارکش ءَ گوشتگ کہ اُرش ءَ ٹپی بوتگیں سدیک ء رپیک، گپور ءِ سیاد ءُ ھوتمان ءِ گھارزتک ازگر ءِ گون ءَ چاگردی سلکاریاں ھوار بوتگ۔ گپور ءِ زھگ ھسن گپور پولیس کارمند ءُ کشندہ ٹولی ءِ سروکے۔
آئی ءَ گوشتگ ک ءِ بی ایل ایپ کشندہ ٹولی ءِ کارمنداں ھوار ھسن گپور ءُ سدیک رپیک ءَ کڈن کنت کہ آ وتی اے کارپداں یل بہ کن اَنت۔ بلوچ چاگرد ءِ تہ ءَ چاگردی سلکار ءُ چاریگ ھچ وڑ ءَ بکشگ نہ بنت۔
میجر گھرام ءَ اُرش ءِ زمہ واری منّ اتگ ءُ گوشتگ کہ داں بلوچستان ءِ آجوئی ءَ ریاستی لشکر ءُ آئی کارمندانی نشانگ کنگ ءِ کھول ءَ کن ایں۔
