بلوچ راجی زرمبشت ( بی این ایم ) ءِ جارکش ءَ ماں رسانکدر ءَ وتی شنگ کرتگیں جارے ءَ گوشتگ کہ سیزدہ نومبر ءَ بلوچ شھمیرانی یات کنگ ءُ آیانی دیمونیانی ستا شانی ءَ بلوچ راجی زْرمبشت ( بی این ایم ) ءِ درسیں ھنکین ءُ تک مراگش ایر کن اَنت۔
آئی ءَ گوشتگ کہ اے روچ ءَ ھزارانی کچ ءَ بلوچ شھمیر کہ آیاں پہ بلوچستان ءِ آجوئی ءُ بلوچانی وشیں باندات ءَ وتی سر نْدر کرتگ اَنت ، یات کنگ بہ اَنت۔
جارکش ءَ گوشتگ کہ چہ بی این ایم ءِ شھمیرانی تاک ءِ نیمگ ءَ سیزدہ نومبر ءِ دم ءُ درگت ءَ چاگردی رسانکدراں شھمیرانی بارہ ءَ نکان شنگ کنگ بیت۔
بنشون: جار / اکس: بی این ایم
