کلات: وانشجاہ ءَ لیکچرار ءِ نیستی ءُ آدگہ آسراتیانی نہ بوگ ءِ بگیری ءَ جنک ءُ بچکیں نودربراں زھرشانی ءَ شال کراچی شھدگ بند کرتگ۔
زھرشانی کنوکیں نودربراں پلے کارڈ دستاں بوتگ اَنت کہ آیاں پہ وتی لوٹانی ھک ءَ اوگام جتگ۔
آیانی گوشگ اِنت کہ کانود ءِ ھساب ءَ یک پرانسپلے ءِ وھد سے سال بیت بلے انوگیں پرنسپل ءَ کلات وانشجاہ ءَ ھپت سال سرجم بوتگ، انچو وھد گوزگ چہ پھم ءَ ڈن اِنت۔ اے پرنسپل مٹ کنگ بہ بیت درسیں جیڑھانی زمہ وار ھمیش اِنت۔
آیانی گوشگ اِنت کہ 36 ءِ نزیک ءَ لیکچرانی کمی پہ اے نابودیں وانشجاہ ءِ واکدار ءِ دیم ءَ ترندیں شھماتے۔ وانشجاہ ءِ دگہ لیکچرار دیگ بہ بیت ءُ درسیں جیڑہ گیش ءُ گیوار کنگ بہ بنت۔
نودربرانی گوشگ اِنت کہ اگاں مئے لوٹ منگ نہ بوت اَنت گڑا ما لاچار ایں کہ کلات ءِ شھدگ ءَ بند بہ کن ایں۔
