ھزدار: بلوچ یکجھتی کمیٹی ءِ نیمگ ءَ زوریں بیگواھیانی بگیری ءَ زھرشانیانی درچ ءَ ھزدار شھر ءَ زھرشانی روانکے کشگ بوتگ۔ زھرشانی ءَ بلوچ یکجھتی کمیٹی ءِ باسک، زور بیگواھیں مردمانی کولاں بازیں کچے ءَ بھر زرتگ۔
زھرشانی روانک چہ شھید رزاک چارہ ءَ درکپتگ ءُ آزادی چاراہ ءَ شتگ ءُ نشتگ اَنت۔ زھرشانی ءَ چہ ھزدار ءَ ابید نال، وڈ، سوراب ءَ ھوار آدگہ جاھانی مردماں بھر زرتگ۔
اے باروا بلوچ یکجھتی کمیٹی ءِ نیمگ ءَ گوشگ بوتگ کہ ریاستی لشکر ءَ چو مدامی وڑ ءَ مرچی ھم مئے زھرشانی کنوکانی گون ءَ زوراکی کرتگ۔ نیٹ ورک ھم بند کرتگ اَنت سدانی کچ ءَ لشکری کارمند آوارتگ اَنت۔
آئی گوشگ اِنت کہ سرکار مئے زھرشانی کنوکیں مردمانی لٹ شاپ ءُ دزگیری ءِ ھواری ءَ زھرشانی ءِ پروشگ ءِ جھد کرتگ، بلے زھرشانی کنوکاں درسیں ھیلہ بے سوب کرتگ اَنت ءُ وتی زھرشانی سوبین کرتگ۔
