ڈیرہ بگٹی: سوئی ءَ سی ٹی ڈی ءُ چیریں ادارھانی کارمنداں جتائیں جاھاں بیڑ برتگ ءُ سے براتاں ھوار پنچ مردم آوار جنگ ءَ پد بیگواہ کرتگ اَنت۔
بیگواہ کنگ بوتگیں مردمانی نام شربت ء گلاب بگٹی، برکت ء گلاب بگٹی، گاھی ھان ء گلاب بگٹی، رسول بکش ء الی ھان بگٹی ءُ ھیڈ ماسٹر نواز ء گلام رسول بکش بگٹی اِنت۔
سی ٹی ڈی ءَ سوئی ءِ رھمان کالونی، توتا کالونی ءُ مھمد کالونی ءَ بیڑ برتگ ءُ گسانی پٹ ءُ پول کنگ ءِ ھواری ءَ جنین ءُ زھگانی گون ءَ زوراکی کرتگ۔
ھندی بنشون ءِ رد ءَ زور بیگواہ کنگ بوتگیں مردمانی کچ گیشتر اِنت، آدگہ مردم انگت ءَ پجارگ نہ بوتگ اَنت۔
