شال: بیگواھیں بلوچانی توار ( وی بی ایم پی ) ءَ ماں رسانکدر ءَ وتی شنگ کرتگیں درشانے ءَ گوشتگ کہ زوبیگواھیں ھیبت ھان ءُ نورالدین ءِ کھولاں آیانی کیس گل ءِ کِر ءَ یاداشت کرتگ ءُ گوشتگ کہ ھیبت ءُ نورالدین کول شرکت ءَ کار ءَ بوتگ اَنت ءُ پنچ شمبے ءَ مزدورانی زر دیگ بنت۔ 17 اکتوبر ءَ آیاں جناہ دگ ءَ وتی زر گپتگ اَنت ءُ واتری روگ ءَ بوتگ اَنت کہ کدوسی جنرل اسٹور ءِ دیم ءَ پاکستانیِ لشکر ءَ آوار جتگ اَنت ءُ بیگواہ کرتگ اَنت۔
آئی گوشتگ کہ چہ گل ءِ نیمگ ءَ آیانی کھولاں دلجمی دیگ بوتگ کہ ھیبت ھان ءُ نورالدین ءِ کیس ءَ سرکار ءُ کمیشن ءَ سر کن ایں ءُ پہ آیانی جوئی ءَ ھمک جاہ ءَ توار چست کن ایں۔
