بلوچ استمانی لشکر ( بی آر اے ) ءِ جارکش سرباز ءَ ماں رسانکدر ءَ وتی شنگ کرتگیں درشانے ءَ گوشتگ کہ زی ڈیرہ بگٹی ءِ ھند سوئی ءِ ھنداں لنجو، سگاری، رئیس توک ءُ کچی کینال ءِ کِر ءُ کشاں پاکستانی لشکر ءِ نیمگ ءَ کودکیں شھریانی سر ءَ تیرگواری ءُ بمبگواری برجاہ اِنت۔ ایشی آسر ءَ سے جنین ءُ پنچ زھگ سکا ٹپی بوتگ اَنت۔
جارکش ءِ رد ءَ مرچی سرمچاراں رئیس توک ءَ نزیک ءَ پاکستانی لشکر ءِ یک کاروانے ءِ سر ءَ سنگر گپتگ ءُ گوں راکٹ ءُ مزنیں سلاھاں اُرش کرتگ۔ ایشی آسر ءَ باز کارمند مرتگ ءُ ٹپی بوتگ اَنت۔
آئی ءَ گوشتگ کہ چہ ایشی ابید سگاری ءُ سے نمبر شاک ءِ میانی ھند ءَ لشکرکشی کنوکیں کارمندانی سر ءَ بلوچ سرمچاراں گوں وتکاریں سلاھاں اُرش کرتگ۔ ایشی آسر ءَ دو کارمند مرتگ اَنت۔
جارکش سرباز ءَ دیمتر ءَ گوشتگ کہ کودکیں لس مردمانی سر ءَ بیوکیں لشکری زوراکیانی شریں وڑے ءَ دیم پہ دیمی ءَ کن ایں۔
