بلوچ آجوئی لشکر ( بی ایل اے ) ءِ جارکش جیھند ءَ ماں رسانکدر ءَ وتی شنگ کرتگیں درشانے ءَ گوشتگ کہ بی ایل اے ءِ سرمچاراں زی مستونگ ءِ ھند اسپلنجی ءَ زورگریں پاکستانی لشکر دو جتائیں جاھاں اُرشاں نشانگ کرتگ، چہ ایشی دژمن ءِ ھشت کارمند مرتگ ءُ سے ٹپی بوتگ اَنت۔ یک بکتربند گاڑی یے ھم تباہ ءُ چار گاڑی سکا تاوان بوتگ اَنت۔
جارکش ءَ گوشتگ کہ اسپلنجی ءِ ھند گونڈین مَرو ءَ بی ایل اے ءِ سرمچاراں سنگر گپتگ ءُ زورگریں پاکستانی لشکر ءِ کاروان گوں مزن ءُ کسانیں سلاھاں نشانگ کرتگ۔ دژمنیں لشکر ءِ یک ٹرکے ءَ ھوار چار گاڑی ارش ءِ زد ءَ آتکگ اَنت، ایشی آسر ءَ ھشت کارمند مرتگ ءُ دو گاڑی سکا تاوان بوتگ اَنت۔
آئی ءَ گوشتگ کہ ھمے وڑ ءَ اُرش ءِ زد ءَ آھوکیں کاروان ءِ پہ کمک ءَ سر بیوکیں یک بکتربند گاڑی یے بی ایل اے ءِ سرمچارانی دگہ یک ٹولی یے ءَ گوں چیر کرتگیں شورھاں نشانگ کرتگ۔ ایشی آسر ءَ بکتر بند گاڑی سرجم ءَ تباہ بوتگ، وھدے کہ سے کارمند سکا ٹپی بوتگ اَنت۔ بمب اُرش ءِ سوب ءَ دژمنیں لشکر دیم ءَ روگ ءَ بے سوب بوتگ۔
جارکش ءَ گوشتگ کہ اُرش ءَ پد ھمے ھند ءَ دژمن ءِ جنگی بالگرد سر بوتگ اَنت، بلے بلوچ سرمچار چہ وتی مھکیں شوربندیانی پارست ءَ وتی مھکمیں بندر ءَ سر بوتگ اَنت۔
جیھند ءَ اُرشانی زمہ واری منّ اتگ ءُ گوشتگ کہ ھمے کول ءَ کن ایں کہ داں بلوچ سرڈگار ءِ آجوئی ءَ مئے سلاہ بندیں گھگیری برجاہ بیت۔
