بلوچ راجدوستیں سروک ءُ بلوچ راجی زرمبشت ( بی این ایم ) ءِ پیشیگیں سرکماش ھلیل بلوچ ءَ ماں چاگردی رسانکدر ایکس ءَ بلوچ نودربر سروک شبیر ءِ زوریں بیگواھی ءِ ھشتمی سالروچ ءِ درگت ءَ نبشتگ کہ شبیر ءِ زوریں بیگواھی ءَ ھشت سال سرجم بوتگ بلے چہ درسیں زھرشانیاں ابید انگت ءَ یل کنگ نہ بوتگ۔ پاکستان چہ زوریں بیگواھی ءِ پارست ءَ مئے سیاسی جھد ءَ دارگ لوٹ ایت بلے ریاست چوش پھمگ ءَ نہ اِنت کہ چہ زوریں بیگواھی ءُ زوراکیاں راجی جھد ھلاس نہ بنت۔
آئی ءَ گوشتگ کہ بلوچستان ءَ زوریں بیگواھی یک ٹوھیں جیڑھے بلے چہ جھان ءِ بے تواری ءِ سوب ءَ پاکستان ءَ زوریں بیگواھی ءِ درچ برجاہ داشتگ۔ چہ ریاستی زوراکیاں ابید شبیر ءُ پہ زور بیگواھیں ھزارانی کچ ءَ مردمانی آجوئی ءَ مئے جھد برجاہ بیت۔
