گوادر: پاکستانی لشکر ءِ دست ءَ زور بیگواہ کنگ بوتگیں لیویز کارمندانی یل نہ کنگ ءِ بگیری ءَ لیویز کارمنداں زھرشانی کرتگ ءُ وتی ھمبلانی یل کنگ ءِ لوٹ کرتگ۔
لیویز کارمند دمگدار ءِ کارگس ءِ دیم ءَ مچ بوتگ اَنت ءُ وتی زھرشانی اِش یاداشت کرتگ ءُ گوشتگ ما وتی ھمبلانی زوریں بیگواھی ءِ بگیری ءَ ما ڈیوٹی نہ دے ایں۔
آیاں گوشتگ دانکہ مئے ھمبل دودا ءُ زکریا آجو کنگ نہ بوتگ اَنت ما وتی زھرشانی نندانک ءَ برجاہ دار ایں۔
یات بہ بہ اِت کہ پاکستانی لشکر ءُ چیریں ادارھانی کارمنداں 27 ستمبر ءِ شپ ءَ دودا ھالد ءُ زاکر ء یاکوب چہ نیو ٹاون ءَ گوں دگہ سے ورنایانی ھمراھی ءَ آوار جتگ ءُ بیگواہ کرتگ اَنت۔
