پنجگور: دو روچ پیش پاکستانی لشکر ءِ دست ءَ زور بیگواہ کنگ بوتگیں زاکر دشتی ءِ کھول ءَ آئی یل نہ کنگ ءِ بگیری ءَ زھرشانی ءَ سی پیک دگ بند کرتگ۔ زھرشانی ءَ آدگہ مردمانی ھواری ءَ زھگ ءُ جنیناں ھم بھر زرتگ۔
سی پیک دگ ءِ بند بوگ ءِ سوب ءَ دوئیں نیمگاں بازیں کچے ءَ گاڑی اوشتاتگ اَنت ءُ مساپر سکا جنجالانی دیمپان اَنت۔
زھرشانی کنوکیں مردمانی گوشگ اِنت کہ پہ زاکر دشتی ءِ آجوئی ءَ دلجمی دیگ ءَ پد آ انگت ءَ آجو کنگ نہ بوتگ ما پمیشکا لاچار بوتگ ایں ءُ زھرشانی ءَ دگ بند کرتگ۔ دانکہ زاکر دشتی یل کنگ نہ بوتگ ما وتی زھرشانی نندانک ءَ برجاہ ادار ایں۔
