شال: زورگریں پاکستانی لشکر ءُ سی ٹی ڈیءِ کارمنداں بیڑ برتگ ءُ دو وکیل آوار جتگ ءُ بیگواہ کرتگ اَنت۔
زور بیگواہ کنگ بوتگیں وکیلانی نام ءَ ایڈوکیٹ پدا اھمد دشتی ءُ ایڈوکیٹ سلاہ الدین مینگل اِنت۔ سی ٹی ڈی ءُ چیریں ادارھانی کارمنداں دوشی شال ءِ ھند اے ون سٹی ءَ گس ءَ بیڑ برتگ ءُ ایڈوکیٹ پدا اھمد دشتی آوار جتگ ءُ گوں وت برتگ۔
ھمے وڑ ءَ پاکستانی لشکر ءَ دوشی داوزدہ ءِ نزیک ءَ شال بروری دگ گولی مار چاراہ ءَ بیڑ برتگ ءُ ایڈوکیٹ سلاہ الدین ء مھمد ایوب مینگل جاہ منند واشک ناگ آوار جتگ ءُ گوں وت برتگ اَنت۔
ھندی مردمانی گوشگ اِنت کہ چیریں ادارھانی کارمنداں سے ویگو گاڑی گوں بوتگ کہ آیاں ایڈوکیٹ سلاہ الدین آوار جتگ۔
