بلوچ آجوئی لوٹوکیں سروک ابدالنبی بنگلزھی ءَ ماں چاگردی رسانکدر ایکس ءَ کلات ءَ پاکستانی لشکر ءِ دروگیں میڑ ءَ دوئیں براتانی کوش ءِ پژدر ءَ نبشتگ کہ کلات نرمک ءَ لشکرکشی ءِ نام ءَ پاکستانی لشکر ءِ دروگیں میڑ ءَ دو کودکیں بلوچ ورنا براتانی اسماھیل ءُ ھبیب اللہ ءِ کوش پاکستانی لشکر ءِ گنتریں زوراکیانی درچ اِنت۔
آئی ءَ گوشتگ کہ بلوچ راچ چہ اے چکچینی ءَ نہ ھلاس کنگ بیت ءُ نہ ھم چہ بے میارانی کوش ءَ زرمبشت ھلاس بوت کنت۔
یات بہ بہ اِت کہ کلات نرمک ءَ پاکستانی لشکر ءَ لشکرکشی ءِ میان ءَ اسماھیل ءُ ھبیب اللہ ء ابدالنبی لھڑی آوار جتگ اَنت ءُ کمیں دیر ءَ تیرگواری کرتگ ءُ شھید کرتگ اَنت۔
پاکستانی لشکر ءِ رسانکدری بھرگ آئی ایس پی آر ءَ دو سلاہ بندیں مردمانی کشگ ءِ ٹاپار جتگ اَت۔
