کیچ: چہ کراچی بالی پٹ ءَ پاکستانی لشکر ءِ جوڑ کرتگیں چیریں ادارھانی کارمنداں مند ءِ جاہ منندیں ورنایے آوار جتگ۔
آوار جنگ بوتگیں ورنا ءِ نام اسد ء اسمان اِنت کہ مند کھنک ءِ جاہ منند اِنت۔ آئی ءَ دیر اِنت کہ بھرین ءَ بوتگ۔ 28 اگست 2024 ءَ بھرین سرکار ءَ دزگیر کرتگ ءُ پاکستان ءَ دیم داتگ۔
اسد 29 اگست ءَ کراچی بالی پٹ ءَ سر بوتگ کہ پاکستانی چیریں ادارھانی کارمنداں آوار جتگ۔ انچوش گوشگ بوگ ءَ اِنت کہ گْوادر ءَ دیم دیگ بوتگ۔ بلے انگت ءَ دیم ءَ آرگ ءُ آمیدگس ءَ پیش کنگ نہ بوتگ۔
آئی کھول ءَ لوٹ کرتگ ءُ گوشتگ کہ اسد ءَ زوتاں چہ زوت آجو بہ کن اِت، اگاں آئی سر ءَ چونیں بھتامے ھست گڑا آمیدگس ءَ پیش کنگ بہ بیت۔۔
