بلوچستان آجوئی سنگر ( بی ایل ایپ ) ءِ جارکش میجر گھرام ءَ ماں رسانکدر ءَ وتی شنگ کرتگیں درشانے ءَ گوشتگ کہ سرمچاراں 4 ستمبر چارشمبے ءِ بیگاہ ءِ شش ءَ کلات ءِ ھند شاہ مردان ءَ برجاھیں پاکستانی لشکر ءِ پانگس ءِ کارمند ھما وھد ءَ گوں اسنائپر ءَ نشانگ کرتگ اَنت کہ آ وتی پھازداری ءَ مٹ کنگ ءَ بوتگ اَنت۔ ایشی زد ءَ آتکگ ءُ یک لشکری کارمندے مرتگ۔
آئی ءَ گوشتگ کہ اسنائپر اُرش ءَ پد سرمچاراں پانگس ءِ سر ءَ راکٹ ءِ گولا آس داتگ کہ پانگس ءِ تہ ءَ کپتگ، چہ ایشی ءَ لشکر ءَ گیشتر جانی ءُ مالی تاوان بوتگ۔
جارکش ءَ گوشتگ کہ بلوچستان ءَ پاکستانی لشکر ءُ ایپ سی مزنیں کچے ءَ گوں نوکیں سلاھاں اَنت بلے چیرجنگی شوربندیاں بلوچستان ءَ لشکر سسائی نادراھیانی آماچ کرتگ۔ پہ پاکستانی لشکر ءَ چہ اے نادراھی ءَ درآھگ ءِ گچینیں راہ چہ بلوچستان ءَ سرجم ءَ در آھگ اِنت۔
میجر گھرام ءَ اُرش ءِ زمہ واری منّ اتگ ءُ گوشتگ کہ داں بلوچستان ءِ آجوئی ءَ وتی اُرشانی برجاہ دارگ ءِ کول ءَ کن ایں۔
