شال: ھشت سال پیش زورگریں پاکستانی لشکر ءِ دست ءَ زور بیگواہ کنگ بوتگیں جھانزیب ءِ کھول ءَ پہ آئی زوریں بیگواھی ءِ بگیریءَ شال ءَ زھرشا نی روانکے کشگ ءِ جار جتگ۔
کھول ءَ گوشتگ کہ جھازیب ءِ یل نہ کنگ ءِ بگیری ءَ ھشت ستمبر 2024 ءَیک شمبے ءِ بیگاہءِ سے ءَ شال پریس کلب ءِ دیم ءَ زھرشانی روانکے کش ایں۔
آئی ءَ گوں شال ءِ ساڑی ئیں درسیں بھرگاں سیادی داروکیں مردماں لوٹ کرتگ ءُ گوشتگ کہ زھرشانی ءَ بھر بزور اِت ءُ پہ جھانزیب ءِ آجوئی ءَ توار چست کنگ ءَ مئے گون ءَ کمک بی کن اِت۔
یات بہ بہ اِت کہ جھانزیب مھمدھسنی 3 مئی 2016 ءَ زورگریں پاکستانی لشکر ءَ آوار جتگ ءُ بیگواہ کرتگ کہ انگت ءَ بیگواہ اِنت۔ کھول ءَ پہ آجوئی ءَ جتائیں جاھاں بیوکیں زھرشانیاں بھر زرتگ ءُ آجوئی ءِ لوٹ کرتگ۔
