کوھلو: بارکان ءَ زورگریں پاکستانی لشکر ءَ اھوالکار ھیات ھان کھیتران ءَ پد دگہ دو ورنا بنجل ءَ لوٹائنتگ ءُ بیگواہ کرتگ اَنت۔
اھوالکار ءِ رد ءَ زور بیگواہ کنگ بوتگیں ورنایانی نام آسپ ءُ ھیات شاہ اِنت۔ دوئیں ورنا ( بارکھان نوجوان اتحاد) ءِ کلانھیں باسک اَنت۔
آیانی زوریں بیگواھی ءِ گپ بارکھان نوجوان اتحاد ءَ راست کرتگ ءُ ماں چاگردی رسانکدر ءَ آیانی اکس شنگ کرتگ اَنت ءُ گوشتگ کہ مرچی نیمروچ ءِ دوازدہ ءَ کوھلو ءِ کماندار ءَ لوٹائینتگ ءُ بیگواہ کرتگ اَنت۔ دوئیں ورنا زوتاں چہ زوت آجو کنگ بہ بنت۔
آئی ءَ پہ بیگواھیں ورنایانی آجوئی ءَ توار چست کنگ ءِ لوٹ کرتگ۔
