بلوچ آجوئی لشکر ( بی ایل اے ) ءِ جارکش جیھند ءَ ماں رسانکدر ءَ وتی شنگ کرتگیں درشانے ءَ گوشتگ کہ بی ایل اے ءِ پدائی آپریشن ” ھیروپ“ ءِ پارست ءَ بی ایل اے ءِ پدائی یونٹ مجید برگیڈ زورگریں لشکر ءِ بیلہ ءِ بنجل ءِ سر ءَ اُرش کرتگ ءُ داں انوں بنجل ءِ مزنیں بھرے ءَ یازدہ ادار ءَ گیش دستگی برجاہ داشتگ، دژمنیں لشکر ءِ یک کنڈے ءَ دارگ ءَ سوبین بوتگ اَنت۔ داں انوں پنجاہ ءُ شش کارمند کشتگ ءُ درزنانی کچ ءَ ٹپی کنگ ءَ پد وتی گڈی تیر ءِ وتی گوں دستاں شھید بوگ ءِ جاہ ءَ سر بوگ ءَ سوبین بوتگ اَنت۔
آئی ءَ گوشتگ کہ چہ ایشی پیش بی ایل اے مجید برگیڈ ءِ تراکناکیں شورھاں باریں دو گاڑیاں بنجل ءِ پترگی دروازگ ٹکر جتگ ءُ تباہ کرتگ۔ چہ ایشی پد مجید برگیڈ ءَ پنجاہ ءُ شش ءَ گیش لشکری کارمند کشتگ ءُ بنجل ءِ یک مزنیں بھرے ءَ دستیگ کنگ ءَ سوبین بوتگ اَنت۔
جارکش ءَ گوشتگ کہ اے میان ءَ بنجل ءَ چیر بوتگیں پہ لشکری کارمندانی کمک ءَ آھوکیں یک لشکری کاروانے ءِ سر ءَ پدائیاں اُرش کرتگ ءُ پد کنز کنگ ءَ لاچار کرتگ۔ وھدے کہ دو بکتر بند گاڑی گوں ٹوھیں سلاھاں اُرش کرتگ ءُ تباہ کرتگ۔
آئی ءَ گوشتگ کہ ھمے وڑ ءَ سرجمیں بلوچستان ءَ درسیں شھدگانی سر ءَ بی ایل اے ءِ پتہ اسکواڈ ءُ ایس ٹو او ایس ءَ دگ بند کنگ ءَ پد 62 لشکری کارمند کشتگ اَنت۔ اے ارش ءَ کشگ بوتگیں لشکری کارمندانی ھواریں کچ 118 ءَ سر بوتگ۔
