ھنوپر: گوادر ءَ بلوچ راجی مچی ءِ سر ءَ ارش ءُ بلوچستان ءَ پاکستانی لشکر ءِ زوراکیانی بگیری ءَ جرمنی ءِ شھر ھنوپر ءِ جاہ منندیں بلوچاں شمبے ءِ روچ ءَ ھنوپر ءَ زھرشانی کرتگ۔ زھرشانی ءَ جرمنی ءِ جاہ منند ایں سیاسی کارکن ءُ جنیناں بازیں کچے ءَ بھر زرتگ۔
زھرشانی کنوکیں مردم جتائیں شھدگاں تر ءُ گرد کنگ ءَ پد Arnst August Platzt دوبر مچ بوتگ اَنت۔آیاں پاکستانی لشکر ءِ زوراکیانی بگیری ءَ اوگام جتگ ءُ وتی زھرشانی یاداشتگ کرتگ۔
زھرشانی کنوکیں مردماں تران کرتگ ءُ گوشتگ کہ مئے زھرشانی کنگ ءِمول بلوچستان ءَ برجاھیں ریاستی زوراکی ءُ بلوچ چکچینی ءَ ھوار بلوچستان ءَ زور بیگواھیں مردمانی یل نہ کنگ ءِ باروا میان استمانی توانمندانی دلگوش ءِ گور کناھینگ اِنت۔
آیاں دیمتر ءَ گوشتگ کہ بلوچستان ءِ بلوچ راج ءِ سر ءَ زوراکیانی بگیری ءَ بلوچانی گون ءَ پہ ھم پتی ءَ ڈائسپورہ ھمک وھد جاڑیگ اِنت۔
زھرشانی ءِ میان ءَ جرمن ءُ انگلش زبان ءَ پنتاک بھرءُ بانگ کنگ بوتگ کہ آیانی سر ءَ گوادر ءَ انوگیں پاکستانی زوراکیانی باروا سرپدی نبشتگ بوتگ۔
