کراچی: ریاستی زوراکیانی بگیری ءَبلوچ یکجھتی کمیٹی ءِ نیمگ ءَ کراچی پریس کلب ءِ دیم ءَ برجاھیں زھرشانی نندانک ءَ سند پولیس ءَ بیڑ برتگ ءُ بی وائی سی ءِ سروک پوزیہ ءَ ھوار ھشتاد مردم لٹ شاپ کنگ ءَ پد دزگیر کرتگ ءُ برتگ اَنت۔ آرام باگ ءَ جنینانی پولیس گس ءُ پریڈی پولیس گس ءَ بند کرتگ اَنت۔
یات بہ بہ اِت کہ کراچی ءَ بلوچ یکجھتی کمیٹی ءِ زھرشانی نندانک ءِ سر ءَ سند پولیس ءَ دو بر ءَ بیڑ برتگ۔ آدینگ ءِ بیگاہ ءِ چار ءَ گوادر ءَ بلوچ راجی مچی ءِ سر ءَ پاکستانی لشکر ءِ زوراکیانی بگیری ءَ چہ آرٹس کونسل ءَ داں کراچی پریس کلب ءَ زھرشا نی روانکے ءِ چن لانچ ءَ کنگ بوتگیں مردمانی سر ءَ پولیس ءَ بیڑ برتگ اَت ءُ مردمی ھکانی کارکن ندا کرمانی ءُ بی وائی سی ءِ سروک پوزیہ ءَ ھوار باز مردم آوار جتگ اَت۔
پوزیہ ءُ آدگہ دزگیر بوتگیں جنین یل کنگ بوتگ اَنت دوشی شپ ءَ پد ءَ پولیس ءَ زھرشانی ندانک ءِ سر ءَ بیڑ برتگ ءُ پوزیہ ءَ ھوار ھشتاد مردم دزگیر کرتگ۔
