ایمنسٹی انٹر نیشنل ءِ زرباری ایشا دمگ ءَ بلوچستان ءَ انوگیں زھرشانی کنوکانی سر ءَ پاکستانی لشکر ءِ نیمگ ءَ گوں زوراکی ءَ بے توار کنگ ءِ جھدءِ سر ءَ بژن درشان کرتگ۔ ایمنسٹی انٹر نیشنل ءِ رد ءَ اود ءَ کم چہ کم سے زھرشانی کنوکیں بلوچ بیران ءُ بازیں مردمانی دزگیری ءِ ھال اِنت۔
ایمنسٹی انٹر نیشنل ءِ نیمگ ءَ شنگ بوتگیں گزارش ءَ ادارہ ءِ گوشگ اِنت کہ گوادر مچی، بلوچ راجی مچی ءِ نام ءَ زاگ بیت، ایشی مول شھری، سیاسی ءُ مالی، بزاں ھند ءَ زوریں بیگواھی ءُ درکانودی کوش ءِ جیڑھانی دیم ءَ آرگ بوتگ ایشی سر ءَریاست ءَ گون ترندی ءَ ارش کرتگ۔
ایمنسٹی انٹر نیشنل ءِ زرباری دمگ ءِ کمک کارمستر بابورام پنت ءَ دیمتر ءَ گوشتگ کہ وھدے کہ بلوچستان ءَ زھرشانی بنت، آیانی لوٹاں لشکری کارمند گوں مزنیں کچے ءَ لٹ شاپ ءُ دزگیریانی پارست ءَ ھلاس کن اَنت۔ ما ایشان ءَ گوستگیں سال ءِ دسمبر ءَ بلوچانی اسلام آباد ءِ نیمگ ءَ روانک ءَ دیستگ۔
آئی ءَ گوشتگ کہ ما اے ریاستی زوراکیاں یکبرے پد ءَ بلوچ راجی مچی ءَ زھرشانی کنوکانی گون ءَ گندگ ءَ ایں۔ اے تچکی ءَ پاکستان سرکار ءِ نیمگ ءَ ایمنیں زھرشانی کنوکانی دارگ ءُ چہ ایمنیں زھرشانی ءَ دارگ ءِ یک میارباریں جھدے۔
ایمنسٹی انٹر نیشنل ءَ دزگیر کرتگیں زھرشانی کنوکانی زوتیں آجوئی ءِ لوٹ کرتگ کہ آیانی تہ ءَ سمی دین، سبگت اللہ شاہ جی ءُ ڈاکٹرسبیہ ھوار اَنت کہ آ چہ گوستگیں روچ ءَ بیگواہ اَنت۔
