شال: بلوچ ڈاکٹر پورم ءِ بنجاھی جارکش ءَ گوادر ءَ ایمنیں زھرشانی کنوکانی سر ءَ سرکار ءِ زور کارمرز کنگ ءِ سر ءَ ترندیں پژدر درشان کرتگ ءُ گوشتگ کہ سرکار زور ءِ ملار ءَ کودکیں بلوچانی سر ءَ ارش کنگ ءُ مردماں دزگیر کنگ ءُ گوں وت برگ ءَ اِنت۔ دزگیر بوتگیں مردماں ڈاکٹر سبیہ ءُ زور بیگواھیں ڈاکٹر دین مھمد ءِ جنک سمی دین ھم ھوار اَنت۔ ڈاکٹر سبیہ ءُ آدگہ مردمانی دزگیری ءِ پدر نہ کنگ ءِ سوب ءَ درسیں ڈاکٹراں بژنیگ اَنت۔
جارکش ءَ گوشتگ کہ گوادر ءَ ھوار سرجمیں بلوچستان ءَ مردمی تباھی یے ودی بوتگ، اگاں سرکارءِ رویشت ھمے وڑ بوت اَنت، اے گرانیں ساھتان درسیں مردم دوست ءُ پارٹیاں بلوچانی گون ءَ یکجاہ بوگ ءُ اوشتگ لوٹ ایت۔
جارکش ءَ گڈی ءَ گوشتگ کہ اگاں ڈاکٹر سبیہ زوتاں چہ زوت یل کنگ نہ بوت درسیں ڈاکٹر ھواری ءَ گیش ءَ چہ گیش ترندیں زھرشانی کن اَنت ایشی درسیں زمہ واری بلوچستان سرکار ءِ سر ءَ بنت۔
