بلوچ یکجھتی کمیٹی ءِ سروک ڈاکٹر ماہ رنگ ءَ گوادر ءَ بلوچ یکجھتی کمیٹی ءِ نیمگ ءَ بیوکیں راجی مچی ءِ پہ دارگ ءَ ریاستی لشکر ءِ زوراکیانی پژدر ءَ وتی شنگ کرتگیں کلوھے ءَ ریاستی زوراکی ایر جتگ اَنت ءُ گوشتگ کہ اے وھد ءَ ریاستی لشکر ءَ سرجمیں گوادر ءِ تیاب دپی شھر بند کرتگ ءُ مردماں دزگیرءُ آوار جنگ ءَ اِنت۔
آئی ءَ دیمتر ءَ گوشتگ کہ تلار پانگس ءِ نزیک ءَ پاکستانی لشکر ءَ بلوچ راجی مچی ءِ کاروان ءِ مردمان ءَ دارگ ءَ پد لٹ شاپ کنگ ءَ اِنت۔ جتائیں شھرانی تہ ءَ اڑاند ودی کنگ ءَ اِنتءُ مرچی آھوکیں مردماں دارگ ءُ گاڑیاں تاوان دیگ ءَ اِنت۔
داکٹر ماہ رنگ ءَ گوشتگ کہ سرکار ءُ واکدار ءَ وتی کلوہ ءَ تچکی ءَ گوش آں کہ اگاں مئے ایمنیں مچی داشت گڑا ما اے مچی ءِ جاہ ءَ زھرشانی ءَ نند ایں ءُ ایشی درسیں زمہ واری بلوچستان سرکار ءِ سر ءَ بنت۔
