بلوچستان آجوئی سنگر ( بی ایل ایپ ) ءِ جارکش میجر گھرام ءَ ماں رسانکدر ءَ وتی شنگ کرتگیں درشانے ءَ گوشتگ کہ سرمچاراں دوشی شپ ءِ دوزدہ ءُ چل ءُ پنچ ءَ تیرتیج آواران ءِ بنجل ءِ سر ءَ اُرش کُرتگ ءُ دژمنیں لشکر تاوان داتگ۔
آئی ءَ گوشتگ کہ چار شمبے ءُ پنچ شمبے ءِ میانی شپ ءَ آواران ءِ ھند تیرتیج ءَ برجاھیں پاکستانی لشکر ءِ بنجل ءِ سر ءَ سرمچاراں دو راکٹ آس داتگ کہ بنجل ءِ تہ ءَ کپتگ چہ ایشی ءَ دژمنیں لشکر ءَ جانی ءُ مالی تاوان بیتگ۔
جارکش ءَ گوشتگ کہ بی ایل ایپ مدام زورگِپتیں بلوچستان ءَ پاکستانی لشکر ءُ آئی ءِ کمکار ءُ شور بندیاں نشانگ کنگ ءَ اَنت۔ زورگریں ریاست ءِ لشکر ءُ شوربندیاں ابید مالی تْرام داں ھما وھد ءَ نشانگ کنگ بنت داں پاکستانی لشکر چہ زورگپتیں بلوچستان ءَ دراھگ ءُ روگ ءَ لاچار نہ بیت۔
میجر گھرام ءَ ارش ءِزمہ واری من اتگ ءُ گوشتگ کہ دژمنیں لشکر ءِ سر ءَ اُرش گوں تُرندیءَ برجاہ بنت۔
