گوادر: ھورماڑہ ءَ لینانی روگ ءُ آھگ ءِ بگیری ءَ مردماں ھورماڑہ زیروپوائنٹ ءَ زھرشانی ءَ مکران شھدگ بند کرتگ۔ دگ ءِ بند بوگ ءِ سوب ءَ دوئیں نیمگاں گاڑیانی مزنیں کتار اوشتوک بوتگ اَنت۔
زھرشانی کنوکیں مردمانی گوشگ اِنت کہ روچ ءَ بس لھتے اداراں لین کاینت پد ءَ نیست، اے باروا ما گوں واکدار ءَ تران کرتگ ءُ گوشتگ بلے انگت ءَ شر کنگ نہ بوتگ اَنت۔
آیانی گوشگ اِنت کہ اے گیشیں گرم ءَ ھورماڑہ ءِ جاہ منند ابید لین ءَ زند گوازینگ ءَ لا چار اَنت۔ لینانی روگ ءُ آھگ ءَ مردمانی زندماں جنجال کرتگ۔ اگاں لین شر کنگ ءُ مئے لوٹ منگ نہ بوت اَنت گڑا ما لاچار ایں کہ وتی زھرشانی ءَ دراجکش بہ کن ایں۔
