بلوچستان آجوئی سنگر ( بی ایل ایپ ) ءِ جارکش میجر گھرام ءَ ماں رسانکدر ءَ وتی شنگ کرتگیں گزارشے ءَ گوشتگ کہ بی ایل ایپ ءِ سرمچاراں چہ جنوری ءَ داں جون ءَ سرجمیں بلوچستان ءَ 108 سلاہ بندیں کاروائی کرتگ۔ اے کاروائیاں پاکستانی لشکر، دژمنیں لشکر ءِ کمککار، بندساچی شرکت ءُ لشکری شوربندی ( موبائل ٹاور ) نشانگ کرتگ اَنت۔
آئی ءَ گوشتگ کہ اے ارشاں 112 ءَ گیش لشکری کارمند کشتگ ، 74 ءَ گیش لشکری کارمند ٹپی کرتگ، پنچ دژمن ءِ کمکارکشتگ، ایشانی تہ ءَ یکے ءِ سلاہ برتگ اَنت۔ ارشاں دژمن لشکر ءِ پنچ گاڑی سرجم ءَ تباہ بوتگ، بازیں گاڑی ءُ پرپٹ تاوان بوتگ اَنت۔ ارشاں چار ٹرک، سے بلڈوزر، یک ٹرالرے سرجم ءَتباہ بوتگ۔ ھشت ٹرکانی ٹائر تراکینتگ اَنت۔ گیشتر ایپ ڈبلیو ءِ گاڑی، ڈمپرِ لوڈر ءُ آدگہ مشین ءُ سامان تیرگواری کرتگ ءُ تاوان داتگ اَنت۔ دو کاروائیاں پاکستانی لشکر پولیس ءِ سر ءَ ارش کرتگ ءُ پولیس کارمندانی سلاہ برتگ اَنت۔ دژمن ءِ دو سرویلنس ڈرون نشانگ کرتگ ءُ دور داتگ اَنت۔ اے ارشاں چار موبائل ٹاورانی مشین ءُ سامان تیرگواری کرتگ ءُ مانداشتگ اَنت ءُ یک کریش پلانٹے مانداشتگ۔ شش کارمند دزگیر کرتگ کہ آیانی تہ ءَ دو ایپ سی ءِ کارمند ھوار اَنت۔ دژمن ءِ ھبدہ توپک دستیگ کرتگ۔ ارشانی تہ ءَ 9 ریموٹ کنٹرول بمب ارش ءُ 7 دستی بمب ارش کرتگ۔
میجر گھرام ءَ گوشتگ بلوچ راجی پدریچ ءُ پہ بلوچ سرڈگار ءِ دیمپانی ءَ بی ایل ایپ ءِ چار ھمبل سرمچار دژمن ءِ گون ءَ جوانمردی ءَ مڑ اتگ ءُ شھید بوتگ اَنت۔ بی ایل ایپ شھیدیں ھمبلاں ستک شانی ندر کنت ءُ ھمے کول ءَ کنت کہ داں بلوچ سرڈگار ءِ سرجمیں آجوئی ءُزورگریں لشکر ءِ سرجم ءَ درآھگ ءَ مئے ارش برجاہ بنت۔
