بلوچ یکجھتی کمیٹی ءِ سروک ڈاکٹر ماہ رنگ ءَ ماں چاگردی رسانکدر ایکس ءَ نبشتگ کہ زھیر اھمد ء ابداللہ یک سرکاری نوکرے آ 27 جون ءَ نیمروچ ءَ چہ وتی کارگس ءَ درکپگ ءَ پد زور بیگواہ کنگ بوتگ۔ زھیر ءِ کھول گوستگیں سے روچ اِنت کہ سریاب دگ ءَ زھرشانی ءَ نشتگ اَنت۔ بلے ریاست ءُ ریاستی ادارہ انگت ءَ نہ آمیدگسے ءَ پیش کنگ بوتگ ءُ نہ کھول ءَ آئی باروا ھال دیگ ءَ اَنت۔
آئی ءَ گوشتگ کہ بلوچستان ءَ زوریں بیگواھی ءَ مردمانی زندمان جنجال کرتگ۔ مردمی ھکانی گلاں ھوار درسیں بھرگاں سیادی داروکیں مردمانی گون ءَ لوٹ کن ایں کہ آ پہ زھیر اھمد ءِ آجوئی ءَ توار چست بہ کن اَنت ءُ اے جھد ءَ آئی کھول ءَ کمک بہ کن اَنت۔
