بلوچستان آجوئی سنگر ( بی ایل ایپ ) ءِ جارکش میجر گھرام ءَ ماں رسانکدر ءَ وتی شنگ کرتگیں درشانے ءَ گوشتگ کہ سرمچاراں 22 جون 2024 ءَ کیچ ءِ ھند ھوشاپ ءَ پاکستان ءِ جھلی لشکر پولیس گس ءِ سر ءَ اُرش کُرتگ ءُ سلاہ ءُ سامان دستیگ کُرتگ اَنت۔
آئی ءَ گوشتگ کہ اے کار 22 جون ءِ شپ ءِ یازدہ ءَ کنگ بیتگ، سرمچاراں پولیس کارمند دزگیر کُرتگ اَنت ءُ آیانی سلاہ دستیگ کُرتگ اَنت۔دستیگ کُرتگیں سامانانی تہ ءَ ھشت اے کے 47، پنچ جی3،اے کے 47 ءِ پانزہ میگزین،جی3 ءِ دوازدہ میگزین،ھشت چاکو،یازدہ جاٹہ ھوار اِنت۔
جارکش ءَ گوشتگ کہ اے پانگس ءِ کارمند لشکر ءِ ھواری ءَ چہ لس مردم ءُ کسانیں کاروباری مردمانی باجگری ءَ ھوار مردمانی کمشرپ کنگ ءَ ھوار بیتگ اَنت۔اے پانگس ءَ زوگریں لشکر ءِ جوڑ کُرتگیں سلاہ بندیں ٹولیانی ڈوار جاھے ءِ بنیاد ءَ ھم کارمرد کنگ ءَ بیتگ اَنت۔مدام کڈن کنگ ءَ ابید ایشاں وتی سلکاری بند نہ کُرتگ۔سرمچاراں ھندی مردم ءِ بنیاد ءَ پولیس ءِ کارمند کڈن کُرتگ ءُ یل داتگ اَنت۔
آئی ءَ گوشتگ کہ پولیس ءُ لیویز کارمنداں کڈن کن ایں کہ زورگریں پاکستانی لشکر ءِ کمکاری ءَ یل بہ کن اَنت ءُ اگاں چہ آیانی سر ءُ پُراں لس مردم دلسیاہ بوت اَنت گڑا آیان ءَ دژمن ءِ کمکار ءُ آیانی گون ءَ ھما وڑ کہ گوں دژمن ءَ کنگ بیگ ءَ اِنت انچوش کنگ بیت۔
میجر گھرامءَ ارش ءَ زمی واری من اتگ ءُ گوشتگ کہ زوگریں پاکستانی لشکر ءِ کمکار ءُ بلوچ راج ءِ سر ءَ زوراکی ءَ ھواریں کارمند مئے نشانگ ءَ اَنت۔
