بلوچ آجوئی لشکر ( بی ایل اے ) ءِ جارکش جیھند ءَ ماں رسانکدر ءَ وتی شنگ کرتگیں درشانے ءَ گوشتگ کہ بی ایل اے ءِ سرمچاراں دوشی کلات ءِ ھند اسکلکو ءَ زورگریں پاکستانی لشکر ءِ مزنیں بنجل ءَ ھوار آئی پھازداریں پانگس دستیگ کرتگ اَنت ءُ کم چہ کم یادہ دژمنیں کارمند کشتگ ءُ باز ٹپی کرتگ۔ سرمچاراں دژمنیں لشکر ءِ مزنیں بنجل ءَ ھوار دو پانگس گوں سوبمندی ءَ دستیگ کرتگ اَنت، بازیں کچے ءَ دژمنیں لشکر ءِ سلاہ، گولا ءُ تراکناکیں شورہ دستیگ کرتگ اَنت۔
آئی ءَ گوشتگ کہ ارش دوشی شپ ءِ دہ ءُ نیم ءَ بندات کنگ بوتگ، بی ایل اے ءِ سرمچاراں دژمنیں لشکر ءِ سر ءَ چہ جتائیں نیمگاں یک وھد ءَ گوں راکٹ لانچر ءُ مزنیں سلاھاں ارش کرتگ۔ بی ایل اے ءِ پتہ اسکواڈ ءَ دژمنیں لشکر ءِ گون ءَ دیم پہ دیمی جنگ ءَ داں یک ادارے ءَ دژمنیں لشکر ءِ دو پانگسانی دستیگ کنگ ءَ سوبین بوتگ۔
جارکش ءَ گوشتگ کہ بلوچ سرمچار آیانی تہ ءَ پتہ اسکواڈ ءُ اسپیشل ٹیکٹیکل آپریشنز اسکواڈ ( ایس ٹی او ایس ) ءِ ٹولی ھم ھوار بوتگ اَنت۔ آیاں جوانیں وڑے ءَ دیم پہ دیمی کرتگ ءُ ترندیں میڑے ءَ پد دژمنیں لشکر ءِ مزنیں بنجل ءِ دستیگ کنگ ءَ سوبین بوتگ اَنت۔ سرمچاراں دیم پہ دیمی کرتگ ءُ لگوریں دژمن ءِ درسیں کارمنداں وتی سلاہ چگل داتگ اَنت ءُ جستگ اَنت۔ بی ایل اے ءِ اسنائپر ٹولی ءَ جستگیں کارمند نشانگ کرتگ اَنت ءُ کم چہ کم یازدہ دژمنیں کارمند جاھی مرتگ۔ بی ایل اے ءِ سرمچارداں دوازدہ ادار ءَ بنجل ءِ دستیگ کنگ ءَ سوبین بوتگ اَنت۔ اے میان ءَ دژمن ءِ درسیں سلاہ گولا ءُ ساماں سرمچاراں دستیگ کرتگ اَنت ءُ دژمن ءِ بنجل ءِ مزنیں بھرے مانداشتگ۔
آئی ءَ گوشتگ کہ ھمے ھند ءَ مرچی سھب ءَ پہ کمک ءَ آھوکیں دژمنیں کارمندانی بکتر بندگاڑی ءُ جنگی بالگرد سرمچاراں نشانگ کرتگ اَنت ءُ پہ تچگ ءَ لاچار کرتگ اَنت۔ چہ ایشی ءَ پد بلوچ سرمچار گوں پھازداری ءَ وتی مھکمیں ڈوران سر بوتگ اَنت۔
جیھند ءَ گوشتگ کہ دژمن ءِ اسکلکو بنجل پاکستان پٹرولیم لمیٹڈ ءِ پارست ءَ کلات ءَ برجاھیں لٹ ءُ پلی شوربندیانی پہ پھازداری ءَ برجاہ اِنت۔ پی پی ایل ھمے ھند ءَ تیل ءُ گیس ءِ درگیجگ ءِ دروشم ءَ بلوچ ءِ مڈیانی لٹ ءُ پل ءِ نیت ءَ ساڑی اِنت۔ بی ایل اے بلوچ ءِ مڈیانی لٹ ءُ پل ءَ کس ءَ ھچ وڑ ءَ موکل نہ دنت۔ ما پی پی ایل ءَ کڈن کن ایں کہ آ اے لٹ ءُ پلی شوربندیانی رندگیری ءَ بند کنت ءُ بلوچ مڈیانی لٹ ءُ پل ءِ درچ ءَ یل بہ کنت۔ مئے زیکیں ارش ءَ کڈنے سرپد بہ بہ اِت، اگاں پی پی ایل ءَ اے لٹ ءُ پلی شوربندی بند نہ کرت اَنت گڑا مئے دیم ءِ ارش شرکت ءِ سر ءَ گیشتر ترند بنت۔
