بلوچ آجوئی لشکر ( بی ایل اے ) ءِ جارکش آزاد ءَ ماں رسانکدر ءَ وتی شنگ کرتگیں درشانے ءَ گوشتگ کہ مئے سرمچاراں 23 جون ءِ شپ ءَ کلات ءِ ھند جوھان ءَ برجاھیں بنجل ءَ چہ دو نیمگاں ارش کرتگ۔
آئی ءَ گوشتگ کہ داں دیر ءَ برجاھیں ارش ءَ سرمچاراں راکٹ لانچر ءَ ھوار آدگہ مزن ءُ نوکیں سلاہ کارمرز کرتگ اَنت، ارش ءِ آسر ءَ زورگریں لشکر ءِ سے کارمند مرتگ۔ ارش ءِ میان ءَ سرمچاراں پاکستانی لشکر ءِ یک ڈرون کیمرھے جتگ ءُ دور داتگ۔
بی ایل اے ءِ جارکش آزاد ءَ گوشتگ کہ اے ارش ءِ زمہ واری ءَ مئے گل بی ایل اے من ایت۔
