کیچ: پاکستانی لشکر ءِ دست ءَ زور بیگواہ کنگ بوتگیں مردمانی کھولانی زھرشانی نندانک کیچ دمگدار ءِ کارگس ءِ دیم ءَ برجاہ اِنت۔ زھرشانی نندا نک ءَ زور بیگواھیں مردمانی کھولانی ھواری ءَ بلوچ یکجھتی کمیٹی ءِ سروک ءُ آدگہ سیاسی باسک ءُ سروک ھم ساڑی بوتگ اَنت۔
گوں زور بیگواھیں مردمانی کھولاں پہ ھمدردی درشان کنگ ءَ چہ جتا جتائیں جاھاں مردم پیداک اَنت۔آدینگ ءِ روچ ءَ شھیدبالاچ مولابکش ءِ گھار نجمہ ءُ آئی مات پہ ھمدردی درشان کنگ ءَ گدان ءَ آتکگ اَنت۔
یات بہ بہ اِت کہ اے زھرشانی نندانک آئید ءِ روچ ءَ بندات بوتگ ءُ داں چار روچ ءَ شھید پدا اھمد چاراہ ءَ برجاہ بوتگ ءُ زی بیگاہ ءَ روانک ءِ دروشم ءَ دمگدار ءِ کارگس ءِ دیم ءَ آتکگ اَنت۔
مرچی پنچ روچ ءِ سرجم بوگ ءَ ابید چہ سرکار ءِ نیمگ ءَ پہ زور بیگواھیں مردمانی کھولانی لوٹانی منگ ءَ ھچ وڑیں دلجمیں گامگیج زورگ نہ بوتگ۔
زھرشانی ءَ نشتگیں کھولانی گوشگ اِنت دانکہ مئے لوٹ منگ نہ بوتگ اَنت ما وتی زھرشانی ءَ برجاہ دار ایں۔
