بلوچ آجوئی لشکر ( بی ایل اے ) ءِ جارکش جیھند ءَ ماں رسانکدر ءَ وتی شنگ کرتگیں درشانے ءَ گوشتگ کہ بی ایل اے ءِ سرمچاراں دوشی نوشکے ءَ زورگریں پاکستانی لشکر یک ارشے ءَ نشانگ کرتگ۔
آئی ءَ گوشتگ کہ نوشکے ءِ ھند ھژدہ کول ءَ برجاھیں زورگریں پاکستانی لشکر ءِ پانگس ءِ سر ءَ سرمچاراں گوں راکٹ لانچر ءُ آدگہ سلاھاں ارش کرتگ۔ ارش ءِ آسر ءَ یک دژمنیں کارمندے مرتگ ءُ کم چہ کم چار کارمند ٹپی بوتگ اَنت۔
بی ایل اے ءِ جارکش جیھند ارش ءِ زمہ واری من اتگ ءُ گوشتگ کہ داں مول ءَ سوبین بوگ ءَ مئے ارش برجاہ بنت۔
