بلوچ راجدوستیں سروک استاد واھد کمبر ءَ وتی شنگ کرتگیں درشانے ءَ لوٹ کرتگ کہ اکوام متھدہ، ھواریں سرکار ءُ یورپی یونین ءِ ڈیھ بلوچستان ءَ آجوئیں ریاستے بہ من اَنت۔
آئی ءَ گوشتگ کہ بلوچستان یک آجوئین ڈیھے بوتگ مئے ھمساھگیں ڈیھ ھندوستان ءِ بھر ءُ بانگ بوگ ءِ سوب ءَ مئے نوک جوڑ بوتگیں ھمساھگیں ڈیھ پاکستان ءَ 1948 ءَ گوں توپک ءُ توپاں بلوچستان دستیگ کرتگ۔ بلوچ راج ءَ اے زورگپتی ءِ بگیری ءَ گوں تُرندے ءَ گھگیری کرتگ۔
استاد واھد کمبر ءَ گوشتگ کہ بلوچ ءِ آجوئی جنگ ءِ آسر ءَ بلوچ راج ءُ پاکستان ءَ باز جانی ءُ مالی تاوان بوتگ۔پمشکا مئے ھمساھگیں ڈیھ پاکستان ءِ سروک ءُ واکدار چہ مئے سرڈگار ءَ وتی لشکر ءَ واتر بہ بر اَنت۔ نوک آباد کاری لیکہ ءِ مردم واتر پاکستان ءَ بہ رو اَنت دانکہ گیشتر ھونریچی مہ بیت۔ آئی ءَ پاکستان ءِ واکدارانی گون ءَ دلگوش گور کرتگ ءُ گوشتگ کہ وتی زوراکی ءُ زورگپتی ءَ ھلاس بہ کنت ءُ بلوچستان ءِ آجوئی ءَ بہ من ایت۔ ریاست وتی زور ءُ مڈیاں آدگہ راجانی لٹ ءُ پل ءُ آیانی سر ءَ زورگری ءِ برجاہ دارگ ءِ کارمرز کنگ ءَ ابید پہ وتی مال ءُ سیاسی نزام ءِ شرکنگ ءَ کارمرز بہ کنت دانکہ مردمانی زندمان گھتر بہ بیت کہ اے گوں زورگری ءُ نوک آبادکاری مارشت ءَ
