![](https://zrumbesh.com/wp-content/uploads/2024/06/WhatsApp-Image-2024-06-10-at-11.10.12_5d7d99ae-1024x607.jpg)
کیچ: چہ زامران بلیدہ ءَ پاکستانی لشکر ءِ دست ءَ زور بیگواہ کنگ بوتگیں مردمانی کھولاں دیوانے کرتگ ءُ واکدار ءِ نیمگ ءَ داتگیں کھول ءِ پیلو نہ کنگ ءِ بگیری ءَ دوبر زھرشانی کنگ ءِ سوڑگ کرتگ۔
دیوان ءَ زور بیگواھیں مردمانی کھولاں بژن درشان کرتگ ءُ گوشتگ کہ سرکار ءَ سے روچ ءِ وھد لوٹ اتگ ءُ زھرشانی نندانک ھلاس کرتگ بلے انگت ءَ پہ زور بیگواھیں مردمانی آجوئی ءَ ھچ وڑیں دلجمیں گامگیج زورگ نہ بوتگ۔
آیاں سرکار ءِ زبان ورگ ءُ زور بیگواھیں مردمانی یل نہ کنگ ءِ بگیری ءَ دو روچانی تہ ءَ زھرشانی نندانک ءِ سوڑگ کرتگ ءُ ھمے جار جتگ کہ آئید ءِ روچ ءَ وتی زھرشانی نندانک ءَ برجاہ دار ایں۔
آیاں گوں درسیں بھرگاں سیادی داروکیں مردماں زھرشانی ءَ بھر زورگ ءِ لوٹ کرتگ۔